$

Միացեք մեզ

Էլենի Ուղերձը

Ես առաջադրում եմ իմ թեկնածությունը որպես Լոս Անջելես Շրջանի Դեմոկրատական Կուսակցության Կենտրոնական Կոմիտեի անդամ, 43րդ ընտրատարածքից, եւ ակնկալում եմ ձեր աջակցությունն այսօր եւ ընտրության օրը՝ 2020թ-ի Մարտի 3-ին:

Իմ նպատակը միշտ պարզ է եղել` դրական հետք թողել ապագա սերունդների համար, պայքարել սոցիալական արդարության, մարդու իրավունքների եւ արդարադատության համար, հզորացնել եւ պաշտպանել կանանց, փոքրամասնությունների, աշխատանքային դասի եւ փոքր բիզնեսի իրավունքները` արժեքներ, որոնք մենք կիսում ենք: Իմ գործունեությունը ներառում է` համայնքում կազմակերպչական գործունեությունից եւ քաղաքապետարանի հանձնակատարի պաշտոնից, մինչեւ նախընտրական արշավների իրականացում, եւ ներկայումս ունեմ սեփական ընկերություն:

Երկու տասնամյակ շարունակվող իմ հասարակական ակտիվ գործունեւությունը սկսվել է միջին դպրոցում սովորելու օրերից, երբ դիմեցի Կրթաշրջանի խորհրդին եւ քաղաքային խորհրդին՝ նրանց ուշադրությունն հրավիրելով իմ դպրոցում եւ քաղաքում խտրականության հետ կապված հարցերին: 15 տարեկան էի, երբ կամավոր հիմունքներով ներգրավվեցի Գլենդելում ընթացող տեղական ընտրարարշավում, ինչն ինձ սովորեցրեց Ժողովրդավարական ընտրությունների կարևորությունը որը մեզանից յուրաքանչյուրին հնարավորություն է տալիս բարեփոխել աշխարհն ու օգնել մյուսներին՝ իրենց ներուժն իրացնել նույն նպատակներով: Այս փորձը թույլ տվեց ինձ վաղ հասակում հայտնաբերել հանրային ծառայության ասպարեզում նպատակներս ու կիրքս:

Այդ ժամանակվանից ի վեր, իմ ձեռքբերումները, որոնցով կարող եմ հպարտանալ, ներառում են ձեզանից շատերի հետ միասին արված աշխատանքները՝ տեղական եւ նահանգային կառավարական հաստատություններում հավասար մատչելիության եւ ներկայացուցչության ապահովում:Ապագա առաջնորդներին վերապատրաստելու նպատակով՝ հանրային քաղաքականության մասին կրթաթոշակային եւ վարժանքի ծրագրերի ստեղծում: Գլենդելի Ընտանեկան Բռնության Աշխատանքային Խմբի հիմնադրում: Ընտրողների գրանցման, կրթության եւ «Դուրս եկեք քվեարկության» նախաձեռնությունների ստեղծում, ինչի արդյունքում, միայն Լոս Անջելեսի շրջանում, ավելի քան 50,000 նոր ընտրող է արձանագրվել՝ հանգեցնելով ընտրողների ռեկորդային թվով մասնակցությանը տեղական, նահանգային և դաշնային ամենաթեժ մի շարք ընտրություններում: Հայոց ցեղասպանության եւ Արցախի ճանաչման ապահովում, Կալիֆորնիայի հանրային դպրոցների ուսումնական ծրագրերում Հայոց ցեղասպանության ուսուցման ներառում։ Հայոց ցեղասպանության 100րդ տարելիցին նվիրված, պատմական՝ Արդարության քայլարշավին 166,000 մասնակի մոբիլիզացում. Կանաչ տարածքների ընդլայնում, համայնքներին հասանելիության մեծացում, եւ ցածր եկամուտ ունեցող ընտանիքների ու երեխաների ծրագրերի մատչելիության ապահովում, երբ առանձնաշնորհ եմ ունեցել լինելու Գլենդելի քաղաքապետարանի՝ Այգիների Հանգստի և Համայնքային Ծառայությունների հանձնախմբի նախագահ:

Մենք դա արեցինք միասին, պայքարեցինք կողք կողքի` ձայն տալու հանրային ծառայություններից ամենաքիչ օգտվող եւ քաղաքացիական իրավունքներից զրկված համայնքներին: Մենք հպարտանալու շատ բան ունենք, եւ ավելի շատ՝ անելիքներ:

Այս տագնապալի ժամանակներում, երբ կնոջ ընտրության իրավունքը վտանգված է, ընտանիքներին բաժանում են միմյանցից, մեր երեխաները դպրոցում այլեւս ապահով չեն զգում, անօթեւանների խնդիրն ամենամտահոգիչ բարձր մակարդակի վրա է, եւ ամբողջ դրույքով աշխատող մարդիկ չեն կարող իրենց թույլ տալ հիվանդանալ, մեզ անհրաժեշտ են առաջնորդներ, ովքեր ողջ եռանդով կպայքարեն՝ պաշտպանելու մեր ժողովրդավարական արժեքները: Ես ցանկանում են լինել այդ պայքարն առաջնորդողն ու ձեր շահերը ներկայացողը:

Միացե՛ք մեր արշավին` նվիրաբերելով $15, $30, $100, $250, կամ որքան հնարավորություն ունեք՝ եւ ձեր անունն ավելացնելով մեր աջակիցների ցանկում:

Միասին մենք կապահովենք, որ մեր կուսակցությունը լինի նույնքան բազմազան, որքան իր ներկայացրած ժողովուրդը, եւ որ ժողովրդի ձայնը լսելի դառնա ինչպես օրենսդիր մարմիններում, այնպես էլ՝ քվեատուփի առաջ:

Հուսով եմ, որ Մարտի 3-ին կարժանանամ ձեր վստահությանը եւ ձեր քվեին:

Դեպի առաջ եւ դեպի վեր,
Էլեն Ասատրյան

Ծանոթացեք Էլենի Հետ

Հասարակական ակտիվ գործիչ Էլեն Ասատրյանը, ով հանդիսանում է նաեւ «Սթարք Գրուպ»՝ հանրային քաղաքականության հարցերով, ոչ շահութաբեր կազմակերպությունների եւ քաղաքական արշավների համար մասնագիտական խորհրդատվություն տրամադրող ընկերության հիմնադիր նախագահը, հայտ է ներկայացնում պաշտպանելու թերներկայացված եւ հանրային ծառայություններից նվազագույն օժանդակություն ստացող ունեցող համայնքների, այդ թվում` կանանց, փոքրամասնությունների եւ աշխատանքային դասի իրավունքներն ու ներկայացնելու նրանց շահերը:

Read more

Let's Get Social

Join Us